अजितदादांना आणखी एक कार्यकर्ता नडला, पोस्ट करत थोपाटले दंड, पुण्यात अंतर्गत वाद उफाळला

अभिजीत पोते, प्रतिनिधी पुणे: गेल्या काही दिवसांपासून उपमुख्यमंत्री अजित पवार यांना पक्षाअंतर्गत हादरे बसत आहेत. महायुतीतील इच्छुकांची गर्दी आणि अंतर्गत राजकारणाला कंटाळून अनेकजण अजित पवारांची साथ सोडत आहेत. बारामती नगर परिषदेच्या निवडणुकीत देखील ६ अपक्षांनी बाजी मारली आहे. येथील नवनिर्वाचित नगरसेवक निलेश इंगुले यांनी तर दादांना ओपन चॅलेंज देत निवडणूक जिंकून दाखवली. ते अजित पवार गटाकडून निवडणूक लढण्यास इच्छुक होते. मात्र काही कारणांमुळे त्यांचं तिकीट नाकारण्यात आलं.