Chocolate: 'मुलगा मागे लागला म्हणून चॉकलेट दिलं, आरोहीनं गिळलं अन् 5 मिनिटांत संपलं', चुलता ढसाढसा रडला

बुधवारी संध्याकाळी ५ वाजता ही घटना घडली. आम्ही नुकतंच गावातून आलो होतो. सगळे घरात बसलेले होतो. मी बाहेर चाललो होतो, तर मुलगा मागे लागला होता. त्यामुळे त्याला चॉकलेट घेऊन दिलं होतं. मी माझ्या २ वर्षांच्या मुलासाठी चॉकलेट आणलं होतं. तो मागे लागला होता. त्यामुळे त्याला चॉकलेट घेऊन दिलं होतं. त्याने चॉकलेट खाल्लं. त्यावेळी आरोही ही घरात खेळत होती. तिच्यासमोर रॅपरसह चॉकलेट खाली टाकलं. तिने ते तोंडात घातलं, असं अमोल खाडे यांनी सांगितलं.

आरोहीने चॉकलेट गिळलं तेव्हा मी, घरात माझी आई होती, पत्नी होती, भाऊजाई होती. आम्ही लगेच तिच्या तोंडातून चॉकलेट काढण्याचा प्रयत्न केला. पण, चॉकलेट बाहेर काढत असताना हातात रॅपर आलं.  पण हे सगळं ५ मिनिटामध्ये झालं.  आम्ही आरोहीला घेऊन अनेक दवाखान्यात घेऊन गेलो होतो, पण एकही डॉक्टर जागेवर नव्हता. आमच्या गावापासून बीड शहर फक्त १५ किमी अंतरावर आहे. आम्ही १० मिनिटांमध्ये बीड शहरात पोहोचलो होतो. शेवटी शासकीय रुग्णालयात घेऊन गेलो, तेव्हा डॉक्टरांनी तपासून आरोहीला मृत घोषित केलं, असं सांगताना अमोल खाडे यांचे डोळे भरून आले.