दुकानासमोर एकाने ठेवली बॉम्बसदृश पिशवी, सर्वांची धावपळ....अखेर सत्य आलं समोर

चंद्रपूर जिल्ह्यातील गडचांदूर शहरात बॉम्ब सदृश्य वस्तू ठेवणारा इसम सीसीटीव्हीत कैद झाला. शहरातील व्यापार पेठेतल्या भगवती एन एक्स या कापड दुकानात बॉम्ब सदृश्य वस्तू ठेवताना विशीतील एक युवक कैद झाला. दुकानाच्या समोरच्या भागात ही वस्तू ठेवून त्याने बाहेरूनच पलायन केले. यानंतर दुपारनंतर अज्ञात व्यक्तीने दुकानात बॉम्ब असल्याची माहिती दिली होती. चंद्रपूरच्या बॉम्बशोधक व नाशक पथकाने या बॉम्बसदृश्य वस्तूची तपासणी करण्यास सुरूवात केली. मात्र अखेरीस ती वस्तू बॉम्ब नसल्याचं निष्पन्न झालं