माझ्या घरच्यांच जाऊ द्या पण..., पराभूत अपक्ष उमेदवाराचा प्रश्न अन् जळगावात उडाली खळबळ

जळगाव : लोकशाहीत मतदाराचा कौल हा सर्वोच्च मानला जातो. मतदानाच्या दिवशी प्रत्येक नागरिक मोठ्या विश्वासाने ईव्हीएमवरील बटन दाबतो आणि आपलं मत सुरक्षितपणे नोंदवलं गेलं असेल, असा त्याचा ठाम विश्वास असतो. मात्र जळगाव महानगरपालिका निवडणुकीत घडलेल्या एका घटनेने या विश्वासालाच तडा दिला असून, ईव्हीएमच्या विश्वासार्हतेवर पुन्हा एकदा गंभीर प्रश्नचिन्ह उभं राहिलं आहे. प्रभाग क्रमांक 1-अ मधून निवडणूक लढवलेल्या अपक्ष महिला उमेदवार सुनंदा भागवत फेगडे यांना एकही मत न मिळाल्याचं निकालात समोर आलं आणि यामुळे नव्या वादाला सुरुवात झाली आहे.