महाराष्ट्रात 16 एक्सप्रेस फास्ट ट्रॅकवर, मुंबई-पुणे-नागपूर-कोल्हापूर प्रवास सुस्साट, 200 KMPH चा तुफान स्पीड!

मुंबई : नव्या वर्षामध्ये भारतीय रेल्वे महाराष्ट्रातल्या प्रवाशांना मोठं गिफ्ट देणार आहे. महाराष्ट्रातून जाणाऱ्या तब्बल 16 एक्सप्रेस या फास्ट ट्रॅकवर टाकण्यात येणार आहेत, ज्यामुळे मुंबई, पुणे, नागपूर आणि कोल्हापूरचा प्रवास आणखी जलद होणार आहे. या 16 एक्सप्रेस तब्बल 200 किमी प्रती तास या वेगाने धावणार आहेत. प्रवाशांचा प्रवास जलद, आरामदायी आणि आणखी सुरक्षित व्हावा यासाठी रेल्वे जुन्या आयसीएफ कोचना एलएचबी कोचमध्ये बदलत आहे. जवळपास एक डझन ट्रेनना आधीच एलएचबी कोच बसवण्यात आले आहेत, तसंच इतर ट्रेननाही बसवण्याची तयारी सुरू आहे.