बर्गर खाल्ला आणि तडफडून तडफडून गेला जीव; मृत्यूनंतर समोर आलं शॉकिंग कारण

अल्फा-गॅल सिंड्रोम ही विशिष्ट टिक्सच्या लाळेमुळे होणारी ऍलर्जी आहे. ती रोगप्रतिकारक शक्तीला सस्तन प्राण्यांच्या मांसामध्ये आढळणाऱ्या अल्फा-गॅल नावाच्या विशिष्ट साखरेवर अतिरेकी प्रतिक्रिया देण्यास प्रवृत्त करते. हा सिंड्रोम असलेल्या लोकांना लाल मांस, काही औषधं, पर्सनल केअर प्रोडक्ट आणि वैद्यकीय उपचारांमुळे जीवघेणी ऍलर्जी होऊ शकते. ऍलर्जीच्या प्रतिक्रियेची लक्षणं कालांतराने दिसून येतात, ज्यामुळे अनेक लोकांना त्यांची स्थिती ओळखणं कठीण होतं. या प्रकरणात व्यक्तीने मृत्यूच्या दोन आठवड्यांआधीही स्टीक डिनर खाल्लं होतं आणि काही तासांतच तो गंभीर आजारी पडला.

अल्फा-गॅल सिंड्रोमची लक्षणं लाल मांस खाल्ल्यानंतर आठ तासांनंतर सुरू होऊ शकतात. सौम्य प्रतिक्रियांमध्ये लाल पुरळ, तोंडात खाज सुटणं किंवा मुंग्या येणं, डोळे, ओठ आणि चेहऱ्याभोवती सूज, तसंच पोटदुखी किंवा उलट्या यांचा समावेश असू शकतो.