Shocking! आईच्या दुधात 'विष', भारतातील 6 जिल्ह्यांतील अभ्यासातून धक्कादायक माहिती समोर

जर्नल नेचरमध्ये हे संशोधन प्रकाशित करण्यात आलं आहे. हा अभ्यास ऑक्टोबर 2021 ते जुलै 2024 दरम्यान महावीर कर्करोग संस्थेचे डॉ. अरुण कुमार आणि प्राध्यापक अशोक घोष यांच्या नेतृत्वात नवी दिल्लीतील एम्सचे डॉ. अशोक शर्मा यांच्या सहकार्याने करण्यात आला. अभ्यासात असं दिसून आलं आहे की बिहार राज्यातील सहा जिल्ह्यांमधील प्रत्येक स्तनपान करणाऱ्या महिलेच्या दुधात युरेनियम आढळून आलं आहे.

अभ्यासातून असं दिसून आलं आहे की जवळजवळ 70% मुलांना अशा पातळीचा सामना करावा लागला ज्यामुळे गंभीर आजाराचे धोके निर्माण होऊ शकतात. तज्ज्ञ म्हणतात की सर्वात मोठा धोका अशा मुलांसाठी आहे ज्यांचे अवयव अद्याप विकसित होत आहेत. त्यांचं शरीर जड धातू लवकर शोषून घेतं आणि त्यांच्या कमी वजनामुळे, अगदी कमी प्रमाणात देखील गंभीर नुकसान होऊ शकते.

पण हा धोका असला तरी मातांनी आपल्या बाळांना स्तनपान थांबवू नये. बाळाच्या प्रतिकारशक्ती आणि विकासासाठी आईचं दूध आवश्यक आहे आणि त्याला पर्याय नाही. ते फक्त डॉक्टरांच्या सल्ल्यानेच थांबवावं, असं शास्त्रज्ञांनी स्पष्टपणे सांगितलं आहे.