बिनविरोध नगरसेवकांची धाकधूक वाढली, निवडणूक आयोग देणार दणका?

विजय वाघमारे, प्रतिनिधी जळगाव: जळगाव महानगरपालिका निवडणुकीच्या रणधुमाळीत मतदानापूर्वीच एक मोठी बातमी समोर आली आहे. जळगावात प्रत्यक्ष मतदान होण्याआधीच भाजप आणि शिवसेना (शिंदे गट) यांचे प्रत्येक सहा नगरसेवक बिनविरोध निवडून आले आहेत. ७५ सदस्यसंख्या असलेल्या जळगाव महापालिकेत १२ ठिकाणी आधीच निकाल लागला असून महायुतीने विजयाचा जल्लोषही केला. पण आता या बिनविरोध नगरसेवकांवर अपात्रतेची टांगती तलवार आहे. कारण याबाबत संबंधित ठिकाणच्या काही उमेदवारांनी न्यायालयात धाव घेतली आहे. तसेच याबाबतचा तांत्रिक अहवाल देखील राज्य निवडणूक आयोगाकडे सादर करण्यात आला आहे.