Jalgaon: शेतात पेरणी करताना वीज पडली, तिघे जागीच गेले, दोन गंभीर जखमी

लखन दिलीप पवार, दशरथ उदल पवार व समाधान प्रकाश राठोड असे मृतांची नावे असून दिलीप उदल पवार व उदर गणपत पवार हे दोन जण गंभीर जखमी झाले आहे. चाळीसगावच्या रुग्णालयात जखमींना तातडीने दाखल करण्यात आले आहे.

घटनेची माहिती मिळताच आमदार मंगेश चव्हाण यांच्यासह प्रशासकीय अधिकारी शासकीय रुग्णालयात दाखल झाले असून या घटनेमुळे चाळीसगाव तालुक्यावर मोठी शोककळा पसरली आहे.

मयत पवार आणि राठोड हे शेतात पेरणी करत होते. त्याचवेळेस शेतात वीज पडली. झालेल्या दुर्घटनेत तिघांचे जागीच प्राण गेले तर दोघे गंभीर जखमी झाले आहेत. डॉक्टरांचा चमू त्यांच्यावर उपचार करीत आहे.