Maharashtra politics : 'तेव्हा अडीच वर्ष बिळातून बाहेर निघाला नाहीत अन् आता...'; फडणवीसांच्या निशाण्यावर पुन्हा उद्धव ठाकरे

जळगाव, इम्जियाज अहमद, प्रतिनिधी : उपमुख्यमंत्री देवेंद्र फडणवीस यांनी पुन्हा एकदा शिवसेना ठाकरे गटाचे प्रमुख उद्धव ठाकरे आणि विरोधकांवर जोरदार हल्लाबोल केला आहे. ते भुसावळमध्ये बोलत होते. 'आज उद्धव ठाकरे हे जळगावला येऊन गेले, आणि म्हणाले की पाच जून येऊ द्या आम्ही भाजपवाल्यांना बिळातून बाहेर काढून मारू.  अडीच वर्ष तुम्ही मुख्यमंत्री होतात तेव्हा तुम्ही बिळातून बाहेर निघाला नाहीत, आणि आता अडीच वर्ष बिळातून बाहेर न निघणारा मुख्यमंत्री आमच्यासारख्या वाघांना मारण्यची भाषा करतो.' असा हल्लाबोल फडणवीस यांनी उद्धव ठाकरे यांच्यावर केला आहे.