Jalna News : तहसील कार्यालयातच भाजप नेत्याच्या मुलाची काँग्रेस कार्यकर्त्याला मारहाण; प्रशासनाची धावपळ

जालन्यातील जाफराबाद तहसील कार्यालयामध्ये युवक काँग्रेसच्या कार्यकर्त्याला भाजपच्या युवक कार्यकर्त्याने बेदम मारहाण केल्याची घटना घडली. प्रमोद फदाड असं मारहाण झालेल्या युवकाचं नाव आहेत. प्रमोद फदाड यांनी भाजपचे माजी जिल्हा परिषद सदस्य संतोष लोखंडे यांच्या क्रेशर मशिन विरोधात तहसील कार्यालयात तक्रार दाखल केली होती. त्यानंतर संतोष लोखंडे यांचे पूत्र सागर लोखंडे यांनी तक्रारदार प्रमोद फदाड यांना तहसील कार्यालयातच मारहाण केली आहे. दरम्यान याचा व्हिडिओ व्हायरल झाला असून पोलिसात अद्याप तक्रार दाखल नाहीये.