हिमालय ते कन्याकुमारी, प्राध्यापकानं साकारली प्रत्येक राज्याची ओळख, Video

प्रा. श्रीकांत चिंचखेडकर हे पर्यावरणपूरक कापूस, शाडू माती, पुठ्ठा, कागदी लगदा, गोनपाट, बांबू खळ यांचा वापर करून दरवर्षी देखावे तयार करतात. महाराष्ट्रातील सिद्धिविनायक मध्यप्रदेशातील पशुपतीनाथ, आंध्रप्रदेशातील तिरुपती बालाजी, दिल्ली येथील स्वामी नारायण भगवान गुजरात येथील द्वारकाधीश, केरळ येथील पद्मनाभस्वामी, आसामची कामाख्या देवी, तामीळनाडूतील भगवान मुरुगन, मणिपूरचा महाबली हनुमान ठाकूर, ओडिशातील जगन्नाथधाम, उत्तराखंडमधील केदारनाथ, हरयाणाची मनसा देवी, उत्तर प्रदेशातील रामलल्ला बिहारचे भगवान महावीर, पंजाबमधील गुरुनानक देव, राजस्थानमधील सालासर बालाजी, हिमाचल प्रदेशमधील चामुण्डा देवी, पश्चिम बंगालची कालीमाता, जम्मू काश्मीरमधील वैष्णोदेवी आदी देवता मूर्ती स्वरूपात या देखाव्याच्या माध्यमातून साकारल्या आहेत.

आजवर जागृत स्त्रीशक्ती (सर्व अपरिचित देवी), अमृतसरचे सुवर्ण मंदिर, गुजरात स्वामीनारायण मंदिर, स्वामी विवेकानंद स्मारक, संतमेळा, दशावतार, श्री विश्वरूप दर्शनसह कृष्णलीला, नाशिकचे काळाराम मंदिर, साडेतीन शक्तीपीठे, अष्टविनायक मंदिरे, श्रीक्षेत्र शेगावच्या आनंदसागरचे प्रवेशद्वार, गतवर्षी महादेवाचे नऊ अवतार आणि यावर्षी विविधतेतून एकता निर्जीव देखावा सादर केला आहे. त्यासाठी 3 महिन्यांचा कालावधी लागला. प्रत्येकाला भारतीय संस्कृतीची ओळलेला व्हावी, एखाद्या गोष्टीतून नवनवीन संकल्पना मांडाव्यात आणि पर्यावरणाचा संदेश देणे, हा आपला मुख्य उद्देश आहे असं प्राध्यापक चिंचखेडकर यांनी सांगितले.