शौर्यनं सर केलं कळसुबाई शिखर, सातव्या वर्षीची कामगिरी पाहून कराल कौतुक, Video

बदनापूर तालुक्यातील मांडवा येथील संजीवनी आणि रामेश्वर चंद या जोडप्यांना गिर्यारोहण करण्याची प्रचंड आवड आहे. हीच आवड त्यांचा मुलगा शौर्यमध्येदेखील आली. दोघांनी आपल्या मुलाला गिर्यारोहणाचे असे काही प्रशिक्षण दिले की, अवघ्या तिसऱ्या वर्षांत या मुलाने दाट धुके, वेगाने वाहणारा वारा, मुसळधार पावसात आई-वडिलांच्या साहाय्याने न थांबता प्रतिकूल परिस्थितीत शिवनेरी किल्ला गाठून छत्रपती शिवाजी महाराजांचे दर्शन घेतले. पहिल्यांदा शिवनेरी मोहीम सर केली. त्यानंतर विविध किल्ले सर करत वयाच्या सहाव्या वर्षी कळसुबाई शिखर सर केले आहे. या वेळी शौर्यची मोठी बहीण सृष्टी देखील सहभगी असते.

शौर्यचा जन्म 4 जानेवारी 2016 रोजी झाला असून वयाच्या तिसऱ्या वर्षी त्याने शिवनेरी किल्ला गाठला. त्यानंतर मलंगगड, चौथ्या वर्षी देवगिरी किल्ला सर करून वयाच्या पाचव्या वर्षी रायगड आणि सहाव्यांदा कळसुबाई शिखर गाठले. त्यामुळे शौयनि आतापर्यंत रायगड, ठाणे कल्याण येथील मलंगगड, दुर्गाडी किल्ला, माहुली गड, भंडारगड, पळसगड, कोथळीगड/ पेठ किल्ला, जेजुरी गड, विकटगड, पेब किल्ला आदी 16 किल्ले आणि एक सर्वांत उंच कळसूबाई (1646 मीटर) शिखर सर केले आहे.

मी वयाच्या तिसऱ्या वर्षी शिवनेरी हा पहिला किल्ला सर केला. माझे आई-वडील मला किल्ले चढायला घेऊन जायचे. आतापर्यंत मी 16 किल्ले आणि कळसुबाई शिखर अशी एकूण 17 गड किल्ले सर केले आहेत. माझ्या वयाच्या लहान मुलांना मी एवढेच सांगू इच्छितो की कार्टून आणि गेम मध्ये आपला वेळ वाया घालवण्यापेक्षा छत्रपती शिवाजी महाराजांचे गड किल्ले सर करण्याचा छंद जोपासा. तसेच त्यांचा इतिहास जाणून घेण्याचा प्रयत्न करा, असं शौर्य चंद याने सांगितलं.