आजपासून धावणार जालना- मुंबई वंदे भारत एक्स्प्रेस; गाडीची वेळ, थांबे, मार्ग, तिकीटाचे दर सर्व काही जाणून घ्या एका क्लिकवर

लोकार्पणाच्या कार्यक्रमाची जय्यत तयारी झाली आहे, आज पंतप्रधान नरेंद्र मोदी यांच्या हस्ते या ट्रेनचं ऑनलाईन लोकार्पण होणार आहे. या कार्यक्रमाची जय्यत तयारी सुरू आहे. रेल्वे प्रशासनाच्या वतीनं या कार्यक्रमासाठी केंद्रीय रेल्वे राज्यमंत्री रावसाहेब दानवे व जिल्ह्यातील सर्व आमदारांना निमंत्रित करण्यात आलं आहे. रेल्वेचे महाव्यवस्थापक अरुण कुमार जैन यांनी जालना रेल्वे स्थानकाची पाहणी करत तयारीचा आढावा घेतला आहे.

जालन्याहून मुंबईसाठी सुरू होणाऱ्या या ट्रेनची मनमाड ते जालना अशी ट्रायल रन घेण्यात आली. या मार्गावर ही रेल्वे ताशी शंभरच्या स्पीडनं धावली. ही ट्रायल यशस्वी झाली आहे. ट्रायल यशस्वी झाल्यानंतर आता या मार्गावरून ही ट्रेन धावणार आहे. वंदे भारतमुळे या भागातील प्रवाशांची मोठी सोय होणार असून, प्रवास अधिक गतिमान होणार आहे. ही ट्रेन जालन्यावरून पहाटे 5: 5 वाजता सुटणार असून, मुंबई सीएसएमटीला ती दुपारी 11: 55  ला पोहोचणार आहे. जालना ते मुंबई वंदे भारत एक्स्प्रेसला छत्रपती संभाजीनगर, मनमाड, नाशिक रोड, कल्याण, ठाणे आणि दादर या ठिकाणी थांबे देण्यात आले आहेत. या ट्रेनसाठी तिकीटाचे दर 900 ते 1200 च्या आसपास असण्याची शक्यता आहे.