Manoj Jarange Patil : बंदुकीचा फोटो टाकला, तू बामणाचा असला तर मी...; जरांगेंची फडणवीसांवर आक्रमक टीका

मुंबई : उपमुख्यमंत्री देवेंद्र फडणवीस यांच्यावर आरोप केल्यानतंर मनोज जरांगे पाटील यांनी मुंबईला जाण्याचा निर्णय घेतला होता. मात्र अंबड तालुक्यात संचारबंदी लागू करण्यात आल्यानंतर कायद्याचा सन्मान करत आपण अंतरवालीत जात असल्याचं जरांगे पाटील यांनी सांगितलं. संचारबंदी उठवल्यानंतर मुंबईला जाणार असल्याचं ते म्हणाले. दरम्यान, संचारबंदीच्या निर्णयावरून त्यांनी पुन्हा एकदा सरकारवर टीका केली. संचारबंदी का लावली? कारण काय? संचारबंदी लावली म्हणजे आम्हाला मुंबईत येऊ द्यायचं नाहीय असा आरोपही जरांगे पाटील यांनी केला.