...अन् चहावाल्यानं स्टॉलवर लावला PM मोदींचा फोटो, कारण आहे unique

जालन्यातील सराफा बाजारात चहा विक्री करणाऱ्या मनोज घारे यांच्या कुटुंबाचा आधारही हाच चहा आहे. मागील 40 वर्षांपासून ते चहा विक्री करून आपल्या कुटुंबाचा रहाटगाडा चालवतात. केवळ 75 पैशांपासून त्यांनी चहाची विक्री केली आहे. चहाचा व्यवसाय करताना अनेक चढ-उतार त्यांनी पाहिले. जालना शहरातील सराफा बाजारात सध्या त्यांचा चहाचा स्टॉल आहे. या स्टॉलवर त्यांनी लावलेला मोदींचा फोटो सगळ्यांचेच लक्ष वेधून घेत आहे. पण नेमकं त्यांना आपल्या चहाच्या स्टॉलवर पंतप्रधानांचा फोटो लावावा, असं का वाटलं, हेच आपण जाणून घेऊयात.

मनोज घारे हे मागील 40 वर्षांपासून चहा विक्रीचा व्यवसाय करत आहेत. जालना शहरातील सराफा बाजारात युनियन बँकेपासून त्यांचा चहाचा स्टॉल आहे. चहाच्या व्यवसायात ते अपघातानेच आले. त्यांच्या आईच्या निधनानंतर स्वतः काहीतरी करावे म्हणून त्यांनी चहाचा स्टॉल सुरू केला. चहाची गुणवत्ता लोकांना आवडू लागली आणि हळूहळू त्यांनी व्यवसाय विस्तारत नेला.