Railway Update: मुंबईत परतणाऱ्या चाकरमान्यांचे होणार हाल, जनशताब्दी, तेजस एक्सप्रेसच्या मार्गात मोठा बदल, कोठे असतील थांबे?

मुंबई : गणेशोत्सवासाठी कोकणात गेलेल्या चाकरमान्यांसाठी मोठी अपडेट समोर आली आहे. दीड दिवसांच्या गणपतीचं विसर्जन करून कोकणात गेलेल्या काही भाविकांनी परत मुंबईच्या दिशेने प्रवास सुरू केला आहे. मात्र, रेल्वे प्रवाशाच्या शेवटच्या टप्प्यात त्यांना गैरसोयीचा सामना करावा लागू शकतो. मध्य रेल्वेवरील छत्रपती शिवाजी महाराज टर्मिनसवरील (सीएसएमटी) प्लॅटफॉर्म क्रमांक 12 आणि 13 च्या विस्तारीकरणाचं काम सुरू असल्यामुळे कोकणातून मुंबईकडे येणारी 'तेजस' आणि 'जनशताब्दी एक्सप्रेस' सीएसएमटीऐवजी दादरपर्यंतच धावणार आहेत. मंगळुरू-सीएसएमटी एक्सप्रेस देखील ठाण्यापर्यंत चालवून अंशत: रद्द करण्यात येणार आहे.