मकोका गुन्ह्यातले आरोपी मारहाणीसाठी विधिमंडळात? जितेंद्र आव्हाडांच्या आरोपाने खळबळ

मुंबई : विधान सभेत माझे भाषण सुमारे सव्वा तास चालले होते. त्यानंतर मी फेरफेटका मारण्यासाठी बाहेर आलो. मात्र काही मिनिटांतच काही जणांनी नितीनला मारले आहे, असा मला फोन आला. त्याक्षणी मी गाडी रिटर्न फिरवून विधिमंडळात आलो. दरम्यानच्या काळात मी मारहाणीची चित्रफित पाहिली होती. ज्यांनी मारहाण केली ते कार्यकर्ते वगैरे नव्हते. ते मकोकातले खून दरोड्यातले आरोपी होते. ते मलाच मारण्यासाठी विधान भवनात आले होते. परंतु मी तिथे नसल्याने त्यांनी माझा कार्यकर्ता नितीन देशमुख याला मारहाण केली, असा गंभीर आरोप जितेंद्र आव्हाड यांनी केला.