आणली बाई फॉर्च्युनर...! हेलिकॉप्टर बैजा-ब्रेक फेलने मारलं देशातल्या सगळ्यात मोठ्या बैलगाडा शर्यतीचं मैदान

Sangli Bailgada Sharyat : देशातल्या सगळ्यात मोठ्या बैलगाडी शर्यतीचा मानकरी हेलिकॉप्टर बैज्या व ब्रेक फेल बैलजोडी ठरली आहे. त्यामुळे कोल्हापूरच्या शिरोळचे बाळू दादा हजारे यांचा हेलिकॉप्टर बैज्या आणि सांगलीच्या भिलवडी येथील पाटील डेअरीचा ब्रेक फेल बैलजोडीने फॉर्च्युनर गाडी पटकावली आहे. स्थानिक स्वराज्य संस्थाच्या निवडणुकीच्या पार्श्वभूमीवर ही शर्यत आयोजित करण्यात आली होती. ही शर्यत लाखो बैलगाडी प्रेमींच्या उपस्थितीत पार पडली होती. आता मुख्यमंत्री देवेंद्र फडणवीस आणि उप मुख्यमंत्री एकनाथ शिंदे यांच्या उपस्थितीत या शर्यतीच बक्षीस वितरण सोहळा हा मंत्रालयात पार पडणार आहे, अशी माहिती पैलवान चंद्रहार पाटील यांनी दिली आहे.