कोल्हापूरकरांचा नाद करता का राव! मटण उधारी वसुलीचा अनोखा पॅटर्न, सदल्या काशिदाची पंचक्रोशीत चर्चा

कोल्हापूर :गावाकडच्या छोट्या दुकानांमध्ये उधारीवर व्यवहार करणे ही काही नवी गोष्ट नाही. मात्र, या उधारीमुळे दुकानदारांची अडचणही वाढते. अशीच परिस्थिती कोल्हापूर जिल्ह्यातील बहिरेश्वर गावातल्या एका मटण विक्रेत्याला आली. ग्राहकांकडील उधारीची रक्कम वसूल करण्यासाठी त्याने एक भन्नाट उपाय शोधून काढला आहे. गावच्या चौकात त्याने मोठा बोर्ड लावून त्यावर एकूण उधारीची रक्कम नमूद केली असून, दिवाळीपूर्वी पैसे न भरल्यास उधारीदारांची नावे जाहीरपणे लिहिण्याचा इशारा दिला आहे.