Kolhapur News : क्लासवरून घरी जाताना गटारात पडले, दोघे वाहून गेले, एकाचा मृत्यू, दुसऱ्या भावासोबत काय घडलं?

कोल्हापूरात आज दिवसभर मुसळधार पाऊस पडतो आहे.त्यामुळे रस्ते आणि गटारे पाण्याने काटोकाट पाण्याने भरलेली आहे. या इतक्या मुसळधार पावसातही दत्त कॉलनी,रिंगरोड फुलेवाडी येथे राहणारे केदार मारुती कांबळे आणि त्याचा भाऊ जॉन मारुती कांबळे हे शिकवणीसाठी क्लासला गेले होते.त्यानंतर क्लासवरून परतत असताना गटारीचा अंदाज आला नसल्याने केदार आणि जॉन गटारात पडले होते. गटारात पडल्यानंतर दोघेही दुरपर्यंत वाहून गेले होते. या घटनेत आता मोठा भाऊ केदार याचा मृत्यू झाला तर जॉन बेशुध्द असल्याने त्याच्यावर सीपीआर रुग्णालयात उपचार सूरू आहेत.

कोल्हापूर अग्निशामक विभागाने या दोन्ही मुलांना शोधून काढले होते.पण उपचारापूर्वीच केदारचा मृत्यू झाला होता.तर जॉन बेशुध्द अवस्थेत असल्याने त्याला तत्काळ रुग्णालयात दाखल करण्यात आले होते. त्याची प्रकृती चिंताजनक आहे. ही दोन्ही मुलं दत्त कॉलनी रिंगरोड फुलेवाडी येथे रहात असलेले मारुती कांबळे या सेंट्रिंग कामगाराची आहेत. या घटनेने त्यांच्यावर दु:खाचा डोंगर कोसळला आहे.तसेच परिसरात हळहळ व्यक्त होत आहे.