कोल्हापुरातून 'या' एकमेव व्यक्तीची होती भारतीय राज्यघटनेच्या मसुद्यावर स्वाक्षरी, इतिहास तुम्हाला माहितीये का?

कोल्हापूर, 23 डिसेंबर : थोर स्वातंत्र्यसैनिक, पद्मश्री या सोबतच सहकारमहर्षी अशी ओळख असणारे देशभक्त रत्नाप्पा कुंभार हे कोल्हापूरच्या सहकार क्षेत्रातील एक मोठं नाव मानले जाते. कोल्हापुरातील विशेषतः शिरोळ, हातकणंगले भागातील औद्योगिक आणि शेतीविषयक भरीव विकासात रत्नाप्पा कुंभार यांचे खूप मोठे योगदान होते. तर पूर्वीच्या कोल्हापूर संस्थानातील ते असे एकमेव व्यक्ती होते, ज्यांना भारतीय राज्यघटनेच्या अंतिम मसुद्यावर स्वाक्षरी करण्याचा बहुमान मिळाला होता. मात्र याबाबत आजकालच्या तरुणवर्गात कित्येकांना कल्पना देखील नाही आहे.