'मोठं मोठं बोलून होत नसते क्रांती..' अस्सल कोल्हापुरी गली बॉय, एकदम नादखुळा VIDEO

कोल्हापूरच्या रॅप संस्कृतीला स्थानिक युवा पिढीने मोठा प्रतिसाद दिला आहे. सोशल मीडिया आणि रॅप संगीताच्या व्हिडिओंमुळे, आज कोल्हापूरच्या अनेक रॅप कलाकारांचे गाणे इंटरनेटवर वाऱ्यासारखे पसरले आहे. ''राज्य माध्यमातून युवा वर्गाचा आक्रोश आणि वारंवार सामाजिक आणि राजकीय परिस्थितीवर आपण भाष्य करू शकतो. तसेच विद्रोह मांडू शकतो'' अशी भावना 'लोकल 18' शी बोलताना एनिवर्स म्हणजेच अनिकेत कांबळे याने बोलताना दिली.

कोल्हापुरात रॅपर्सची संस्कृती वाढत आहे. यात फक्त तरुण वर्गच नाही तर अगदी शाळकरी मुले ही रॅपिंग करताना दिसत आहेत. यात रणवीर तोडकर या इयत्ता सातवी मध्ये शिकणाऱ्या एका विद्यार्थ्याने 'लोकल 18' ला रॅप करून दाखवला. अतिशय उत्स्फूर्तपणे केलेल्या या रॅपला कोल्हापूरकरांनी, या विद्यार्थ्यांचे कौतुक केले.

कोल्हापुरातील युवा पिढी सह शाळकरी मुलांनाही या रॅप कल्चरची भुरळ पडत आहे. रॅप हे वास्तविकतेवर व्यक्त होण्याचे प्रभावी माध्यम आहे. हे माध्यम आणखी प्रगल्भ करण्यासाठी कोल्हापूरकरांनी या स्थानिक कलाकारांना प्रोत्साहन देणे गरजेचे आहे असे मत कलाकार नदीम (शातिर शेर) ने व्यक्त केले.