Exit Poll Sharad Pawar : निकालाआधीच मविआत पडद्यामागे मोठ्या घडामोडी, दिल्लीत खलबतं, पवारांकडे सूत्रे?

प्रशांत लीला रामदास, प्रतिनिधी, नवी दिल्ली : निवडणुकीच्या रणधुमाळीतील महत्त्वाचा टप्पा असलेली मतदानाची प्रक्रिया बुधवारी पार पडली. राज्यात मतदानाची टक्केवारी चांगलीच वाढली आहे. लोकसभा निवडणुकीच्या तुलनेत ही टक्केवारी वाढल्याने नक्की कोणाला फायदा मिळणार, याची चर्चा सुरू झाली आहे. तर, 10 पैकी 6 एक्झिट पोलमध्ये महायुती सत्तेवर येत असल्याचा अंदाज व्यक्त करण्यात आला आहे. तर, सरकार स्थापनेची सूत्रे ही लहान घटक पक्ष आणि अपक्षांच्या हाती असल्याचा अंदाज आहे. या सगळ्या घडामोडीत महाविकास आघाडीमध्ये हालचालींना वेग आला आहे. मतदानानंतर मविआच्या वरिष्ठ नेत्यांनी एकमेकांशी चर्चा केली आहे.