Mahapalika Elections : महाराष्ट्राच्या 29 महापालिकांमध्ये महायुतीचं अर्धशतक पूर्ण, भाजप-शिवसेनेच्या विजयी उमेदवारांची यादी!

कल्याण-डोंबिवलीमध्ये महायुतीचे सर्वाधिक 21 उमेदवार विजयी झाले आहेत, तर जळगावमध्ये 12 आणि भिवंडीमध्ये 7 उमेदवार बिनविरोध आलेत. निवडणूक आयोगाने या निकालांची अधिकृत घोषणा केली नसली, तरी या उमेदवारांच्या विरोधात कोणत्याच राजकीय पक्षाने उमेदवार उभा केला नव्हता, त्यामुळे या सगळ्यांची निवड निश्चित मानली जात आहे.

भाजप आणि शिवसेनेशिवाय अजित पवारांच्या राष्ट्रवादीचे दोन उमेदवार बिनविरोध निवडून आले आहेत. तर मालेगावमध्ये इस्लाम पार्टीचा एक उमेदवारही बिनविरोध निवडून आला आहे. महाराष्ट्रामध्ये निवडणुकीचा पहिला कल हाती यायच्या आधीच महायुतीने त्यांचं अर्धशतक पूर्ण केलं आहे.