Sangli News: 41 हजारांचा नारळ अन् 20 हजारांची कोथिंबीर जुडी! या गावात पार पडला अनोखा लिलाव, एवढं महाग का?

यंदा महाप्रसादातून 23 वस्तू शिल्लक राहिल्या होत्या. यंदाच्या लिलावात प्रत्येक वस्तूचा दर शंभर रुपये निश्चित करण्यात आला होता. भक्तांनी मात्र, मोठ्या उत्साहात मोठ्या किमतीची बोली लावली. या लिलावात उत्तम चौगुले यांनी कोथिंबीरीची जुडी 20 हजार रुपयांना खरेदी केली. सुरेश आंबी यांनी 12 हजार रुपये देऊन गहू खरेदी केले, तांदळासाठी शिवाजी हवालदार यांनी 13 हजार, हरभरा डाळीसाठी अविनाश शिंदे यांनी साडेनऊ हजार आणि चटणीसाठी (मिरची) संपत पाटील यांनी 17 हजार रुपये मोजले. मंदिरातील पडदे मिळवण्यासाठी विक्रम पाटील यांनी 1700 रुपयांची सर्वाधिक बोली लावली.

मानाचा नारळ खरेदीसाठी सर्वात जास्त चढाओढ लागते. यावर्षी गजानन पाटील यांनी बाजी मारत तब्बल 41 हजार रुपयांची बोली लावून मानाचा नारळ खरेदी केला. या लिलावातून मंदिर समितीला 1,75000 लाख रुपये मिळाल्याचं सांगितलं जात आहे. हा लिलाव मोठ्या उत्साहात पार पडला. लिलावात खरेदासाठी चढाओढ असली तरी त्यामागेही श्रद्धा असते, असं ग्रामस्थ उमेश माळी यांनी सांगितलं.