Trending:

Maharashtra local body election Result: धुळ्यात मतमोजणीला गालबोट, विजयी मिरवणुकीत तुफान दगडफेक

Published by:Kranti Kanetkar

Last Updated:Dec 21, 2025 7:27 PM IST

Maharashtra local body election Result 2025: २१ डिसेंबर २०२५ रोजी सकाळी १० वाजल्यापासून मतमोजणीला सुरुवात होणार आहे. गावपातळीवरील सत्तेची समीकरणं कोण जुळवणार आणि मतदारांनी कोणाच्या पारड्यात आपलं दान टाकलंय, याचा फैसला अवघ्या काही तासांत होईल.

Translate

Maharashtra local body election: राज्यातील 264 नगरपरिषद आणि नगरपंचायतींच्या सार्वत्रिक निवडणुकीसाठी 2 डिसेंबर रोजी मतदान घेण्यात आलं. तर 20 नोव्हेंबर रोजी देखील उर्वरित जागांसाठी मतदान पार पडलं. या निवडणुकीत 264 नगराध्यक्षपदाच्या जागांसाठी चार हजाराहून अधिक, तर नगरसेवकपदासाठी 50 हजारांच्या आसपास उमेदवार रिंगणात आहेत. या सर्व उमेदवारांचे भवितव्य आज ठरणार आहे.

नगरपरिषदा आणि नगरपंचायतींच्या निवडणुकीसाठी पार पडलेल्या अटीतटीच्या मतदानानंतर, आज सर्वांच्या नजरा निकालाकडे लागल्या आहेत. आज, २१ डिसेंबर २०२५ रोजी सकाळी १० वाजल्यापासून मतमोजणीला सुरुवात होणार आहे. गावपातळीवरील सत्तेची समीकरणं कोण जुळवणार आणि मतदारांनी कोणाच्या पारड्यात आपलं दान टाकलंय, याचा फैसला अवघ्या काही तासांत होईल. आजचा हा रविवार अनेक राजकीय दिग्गजांची प्रतिष्ठापणाला लागली असून आज निकाल लागणार आहे.

निवडणूक आयोगाच्या मार्गदर्शक सूचनांनुसार, आज सकाळी १० वाजता प्रत्यक्ष मतमोजणीला सुरुवात होईल. प्रत्येक मोजणी केंद्रावर प्रशासनाने जय्यत तयारी केली आहे. उमेदवारांचे प्रतिनिधी आणि अधिकारी यांच्या उपस्थितीत ही प्रक्रिया पार पडेल. कोणताही गोंधळ किंवा अनुचित प्रकार टाळण्यासाठी केंद्रांच्या परिसरात पोलिसांचा कडेकोट बंदोबस्त तैनात करण्यात आला असून, सीसीटीव्हीच्या माध्यमातून संपूर्ण प्रक्रियेवर बारकाईने लक्ष ठेवले जात आहे.

Dec 21, 20257:27 PM IST

किनवट नगर परिषद भाजपला धक्का, ठाकरे गटाचे उमेदवार विजयी

किनवट नगर परिषद

– भाजपा आमदार भिमराव केराम यांना धक्का
– नगराध्यक्षपदासाठी ठाकरे गटाचे उमेदवार सूजाता एड्रलवार ४ हजाराहून अधिक मतांनी विजयी

Dec 21, 20253:55 PM IST

धुळे जिल्ह्यातील शिरपूर शहरात निवडणूकीला गालबोट...

धुळे जिल्ह्यातील शिरपूर शहरात निवडणूकीला गालबोट…
विजयी मिरवणूकीवर दगड फेक…
शिरपूर शहरातील वाल्मीक नगर भागात दगड फेक…
घटनास्थळी पोलीस दाखल…पोलिसांकडून धरपकड सुरू…

Dec 21, 20252:05 PM IST

अंबरनाथ मधून शिवसेनेने खातं उघडलं

अंबरनाथ मधून शिवसेनेने खाते उघडलं
वॅार्ड नंबर १० ब मधून शिवसेनेचे राहुल सोमेश्वर विजयी

Dec 21, 20252:04 PM IST

हिंगोलीमध्ये भाजपला मोठा धक्का, मविआला देखील खातं उघडता आलं नाही

हिंगोली जिल्ह्यातील तीन नगरपरिषदेपैकी हिंगोली आणि कळमनुरी नगरपरिषद नगराध्यक्षपदी शिवसेना विजयी

वसमत नगरपरिषद नगराध्यक्षपदी राष्ट्रवादी काँग्रेस विजयी, भाजप आणि महाविकास आघाडी शून्यावर

Dec 21, 20252:03 PM IST

सिन्नर नगरपरिषदेची निवडणूक राज्यात चर्चेचा विषय ठरली. त्याचं कारण म्हणजे सत्ताधारीच एकमेकांच्या विरोधात उभे राहिले.

राजीनामा दिलेल्या माणिकराव कोकाटेंच्या सिन्नरमधला धक्कादायक निकाल, भाजपला डिवचूनही घड्याळाची टिकटिक वाजली

Dec 21, 20252:02 PM IST

एकेकाळी राष्ट्रवादीचा बालेकिल्ला म्हणून ओळखल्या जाणाऱ्या अहिल्यानगर जिल्ह्यात राष्ट्रवादीचे दोन्ही गट बॅकफुटला गेले आहेत.

अहिल्यानगर जिल्ह्यात दादा भुईसपाट, काकांचाही सुपडा साफ, एकही नगराध्यक्ष नाही

Dec 21, 20252:01 PM IST

भाजपच्या घराणेशाहीला मतदारांनी नाकारलं

लोहा नगरपंचायत निवडणुकीत भाजपच्या घराणेशाहीला मतदारांनी नाकारलं आहे. लोहा नगरपंचायतीमध्ये भाजपचे नगराध्यक्षपदाचे उमेदवार

भाजपच्या घराणेशाहीला मतदारांनी नाकारलं, BJP उमेदवारासह घरातील 6 जणांना लोकांनी पाडलं!

Dec 21, 20251:57 PM IST

गडचिरोली जिल्ह्यात देसाईगंज नगरपालिकेवर भाजपचा झेंडा

गडचिरोली जिल्ह्यात देसाईगंज नगरपालिकेवर भाजपने स्पष्ट बहुमत मिळवल असून भाजपच्या नगराध्यक्ष पदाच्या उमेदवार लता सुंदरकर विजयी झाल्या आहेत. या ठिकाणी भाजपचे 12 उमेदवार विजयी झाले आहेत तर काँग्रेसला सहा जागांवर समाधान मानाव लागला आहे. या ठिकाणी राष्ट्रवादी काँग्रेस अजित पवार गटाचे दोन उमेदवार निवडून आले आहेत.निकाल जाहीर होताच भाजपच्या नगराध्यक्ष पदाच्या उमेदवारास विजयी उमेदवारांनी आणि त्यांच्या कार्यकर्त्यांनी या ठिकाणी जल्लोष केला. देसाईगंज मध्ये भाजपच्या या विजयाबद्दल गुलाल उधळत जल्लोष साजरा करण्यात आला.

Dec 21, 20251:56 PM IST

धाराशिवमध्ये पुन्हा महाविकास आघाडीला धक्का

धाराशिव नगरपालिकेत भाजपाच्या नगराध्यक्ष पदाच्या उमेदवार नेहा काकडे 3 हजार मताची विजयी
महाविकास आघाडीमध्ये फुटीचा भाजपला सरळ फायदा
उद्धव ठाकरे गट व शरद पवार गटाने स्वतंत्र उमेदवार उभा केल्याने भारतीय जनता पार्टीच्या उमेदवाराला फायदा
धाराशिव नगरपालिकेसाठी खासदार ओमराजे निंबाळकर आणि भाजपाचे आमदार राणा जगजितसिंह पाटील यांची प्रतिष्ठा पणाला लागली होती

Dec 21, 20251:48 PM IST

महायुतीमध्ये भाजपनंतर दादा नाही तर एकनाथ शिंदेंचा गट मोठा, राष्ट्रवादीची काय स्थिती?

महायुतीमध्ये मोठा भाऊ जरी भाजप असला तरी दुसऱ्या स्थानावर चक्क अजितदादा नाही तर शिंदे यांनी आपलं स्थान अढळ केलं आहे. अजितदादा जास्त जागा काढतील असं सगळ्यांना वाटत असताना शिंदेंनी मात्र बाजी मारली आहे.

भाजप – 120
शिवसेना – ५४
राष्ट्रवादी- ४०

या समीकरणाचा आता महानगरपालिका आणि ग्रामपंचायत निवडणुकीला शिंदेंना फायदा मिळणार का हे पाहावं लागणार आहे. शिंदे गटानं जास्त जागा जिंकून दुसऱ्या स्थानावर बाजी मारली आहे.

Dec 21, 20251:01 PM IST

मविआला 50 चा आकडाही ओलांडता आला नाही.

काँग्रस 33, शरद पवार गट 07 ठाकरे गट 8 तर इतर 23 जागांवर विजयी झालं आहे. भाजपने 127 जागांवर विजय मिळवला आहे. तर अजित पवार यांच्या गटाने 37 तर शिंदे गटाने 53 ठिकाणी विजय मिळवला आहे.

Dec 21, 202512:59 PM IST

दौंड नगरपरिषदेत बाप लेकीची चलती...लेक नगराध्यक्षपदी तर बाप नगरसेवक पदी निवड...

अवघ्या 23 वर्षाच्या दुर्गादेवी जगदाळे नगराध्यक्षपदी निवड तर इंद्रजीत जगदाळे नगरसेवक पदी
दौंड नगर परिषदेचा निकाल लागला या निकालात बाप लेकीची चलती पाहायला मिळाली अवघ्या 23 वर्षाच्या दुर्गादेवी जगदाळे या नगराध्यक्षपदी निवड झाली तर त्यांचे वडील इंद्रजित जगदाळे हे नगरसेवक पदी विराजमान झाल्यात मुलगी नगराध्यक्ष पदी निवडून आल्याने बापाने आनंद व्यक्त केला

Dec 21, 202512:58 PM IST