Trending:

SSC Results 2025: आज दहावीचा निकाल, इथं एका क्लिकवर पाहा झटपट आणि वेगवान रिझल्ट

Published by:Shrikant Bhosale

Last Updated:May 13, 2025 7:38 AM IST

How to Check SSC Results 2025 : महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) इयत्ता 10 वी (दहावी) परीक्षेचा निकाल, मंगळवारी 13 मे 2025 रोजी सकाळी 11 वाजता जाहीर करण्यात येणार आहे.

SSC Results 2025: आज दहावीचा निकाल, इथं पाहा झटपट आणि वेगवान रिझल्ट

मुंबई: राज्यातील लाखो विद्यार्थ्यांचा करिअरला दिशा देण्याच्या दृष्टीने महत्त्वाचा असणारा दहावीचा निकाल आज जाहीर करण्यात येणार आहे. महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) इयत्ता 10 वी (बारावी) परीक्षेचा निकाल, मंगळवारी 13 मे 2025 रोजी सकाळी 11 वाजता जाहीर करण्यात येणार आहे. बारावीच्या निकालात घट दिसून आल्याने दहावीचा निकाल कसा असणार, याकडे शैक्षणिक वर्तुळाचे लक्ष लागले आहे.

महाराष्ट्र राज्य शिक्षण मंडळाने यंदा दहावी आणि बारावीच्या परीक्षा दर वर्षीच्या तुलनेत 10 दिवस लवकर घेतल्या. निकालही 15 मेपूर्वी जाहीर करण्याचे नियोजन करण्यात आले होते. त्यानुसार, बारावीचा निकाल 5 मे रोजी जाहीर करण्यात आला.

यंदाच्या दहावीच्या परीक्षेसाठी 23 हजार 492 माध्यमिक शाळांतून 16 लाख 11 हजार 610 विद्यार्थ्यांनी नोंदणी केली आहे. यामध्ये आठ लाख 64 हजार 120 मुले, तर सात लाख 47 हजार 471 मुली आहेत. त्याचप्रमाणे 19 तृतीयपंथीयांनी परीक्षेसाठी नोंदणी केली होती.

शिक्षण मंडळाच्यावतीने सकाळी 11 वाजता पत्रकार परिषद घेऊन निकाल जाहीर करण्यात येणार आहे. दुपारी एक वाजल्यापासून विद्यार्थ्यांना ऑनलाईन निकाल पाहता येणार आहे. बारावीच्या निकालाप्रमाणे दहावीचा निकालही डिजीलॉकरवर पाहता येणार आहे.