Trending:

SSC Result 2025 : प्रतीक्षा संपली! दहावीच्या निकालाची तारीख जाहीर, कुठं पाहता येणार रिझल्ट?

Published by:Shrikant Bhosale

Last Updated:May 12, 2025 12:58 PM IST

SSC Result : महाराष्ट्र राज्य माध्यमिक आणि उच्च माध्यमिक शिक्षण मंडळाच्या (MSBSHSE) इयत्ता 10वी निकालाची लाखो विद्यार्थी आतुरतेने वाट पाहत आहेत. बारावीच्या निकालानंतर आता दहावीच्या निकालाची तारीख जाहीर करण्यात आली आहे.

पुणे: महाराष्ट्र राज्य माध्यमिक आणि उच्च माध्यमिक शिक्षण मंडळाच्या (MSBSHSE) इयत्ता 10वी निकालाची लाखो विद्यार्थी आतुरतेने वाट पाहत आहेत. बारावीच्या निकालानंतर आता दहावीच्या निकालाची तारीख जाहीर करण्यात आली आहे. महाराष्ट्र बोर्डाच्या दहावीचा निकाल उद्या, 13 मे 2025 रोजी जाहीर होणार आहे.

महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) दहावीचा निकाल, म्हणजेच SSC Result 2024, आज 13 मे 2025 रोजी सकाळी 11 वाजता जाहीर होणार आहे. निकाल मंडळाच्या अधिकृत वेबसाइटवर उपलब्ध करून दिला जाईल. विद्यार्थ्यांना आपला निकाल पाहण्यासाठी खाली दिलेल्या लिंकचा वापर करता येईल:

mahahsscboard.in
mahresult.nic.in
sscresult.mkcl.org

दहावीचा निकाल 2025 कसा पहाल? (Step-by-step मार्गदर्शक)

महाराष्ट्र बोर्डाच्या अधिकृत वेबसाइटवर जा – mahresult.nic.in किंवा mahahsscboard.in

'SSC Examination Result 2024' या लिंकवर क्लिक करा

एक नवीन पेज उघडेल, तिथे आपला रोल नंबर, आईचे नाव, इत्यादी माहिती भरावी

'Submit' किंवा 'View Result' वर क्लिक करा

तुमचा निकाल स्क्रीनवर दिसेल – तो डाउनलोड करून प्रिंट घ्या

निकालाची तारीख: 13 मे 2025

निकाल स्वरूप: ऑनलाइन गुणपत्रक

निकालात विद्यार्थ्याच्या नावासोबत विषयनिहाय गुण, टक्केवारी, ग्रेड आणि उत्तीर्ण/अनुत्तीर्ण याबाबत माहिती असते. जर एखाद्या विद्यार्थ्याला मिळालेल्या गुणांबाबत शंका वाटत असेल, तर तो पुनर्परीक्षेसाठी अर्ज करू शकतो. ही परीक्षा मंडळाच्याच नियमानुसार घेतली जाते.

महत्त्वाचं:

निकाल हे ऑनलाइन स्वरूपात असले तरी शाळा व शिक्षण संस्थेमार्फत मूळ गुणपत्रक काही दिवसांनंतर वितरित केलं जातं. त्यामुळे ऑनलाइन निकालाचा प्रिंटआउट तात्पुरता वापरासाठीच ग्राह्य धरावा.