सोलापूरमध्ये मविआचं ठरलं, सर्वाधिक जागा काँग्रेसला तर मनसेला भोपळा; वाचा कोणत्या पक्षाला किती?

Last Updated:

सोलापूर महानगरपालिकेच्या निवडणूकच्या अनुषंगाने महाविकास आघाडीचे जागा वाटपाचा फॉर्म्युला ठरला आहे.

News18
News18
सोलापूर : आगामी महापालिका निवडणुकांसाठी सगळ्याच पक्षांनी निवडणुकीसाठी कंबर कसली आहे. लोकसभा, विधानसभेप्रामाणेच निवडणुकीतही महायुती विरुद्ध महाविकास आघाडी असा थेट सामना रंगण्याची शक्यता आहे. लोकसभेच्यावेळी महाविकास आघाडीनं जागावाटप आणि उमेदवार जाहीर करण्यात आघाडी घेतली. त्याचा फायदा त्यांना निवडणुकीत झाला. आता महानगरपालिका निवडणुकीतही तोच पॅटर्न राबवण्याचा महाविकास आघाडीचा प्रयत्न आहे. सोलापूरमध्ये महाविकास आघाडीचं जागावाटपाचा फॉर्म्युला समोर आला आहे.
सोलापूर महानगरपालिकेच्या निवडणूकच्या अनुषंगाने महाविकास आघाडीचे जागा वाटपाचा फॉर्म्युला ठरला आहे. काँग्रेस, शिवसेना उद्धव बाळासाहेब ठाकरे, राष्ट्रवादी काँग्रेस शरदचंद्र पवार, मार्क्सवादी कम्युनिस्ट पक्ष आणि मनसे हे चार पक्ष मिळून 102 जागा लढणार आहे. महाराष्ट्र नवनिर्माण सेना महाविकास आघाडीत सामील झाली असून शिवसेना ठाकरे पक्षाच्या कोट्यातून मनसेला मिळणार जागा मिळणार आहे. काँग्रेस 45, शिवसेना ठाकरे गटाचे 30, राष्ट्रवादी शरद पवार पक्ष 20, माकप 7 असे जागा वाटप करण्यात आले आहे.
advertisement

महानगरपालिका निवडणुकीच्या प्रचाराचा 4 जानेवारीला नारळ फोडणार

महाविकास आघाडी सोलापूर महानगरपालिका निवडणुकीच्या प्रचाराचा 4 जानेवारीला नारळ फोडणार आहे. यावेळी माजी मुख्यमंत्री सुशीलकुमार शिंदे, खा. प्रणिती शिंदे, माजी आमदार आडम मास्तर, खा ओमराजे निंबाळकर, चंद्रकांत खैरे, खा. धैर्यशील मोहिते पाटील यांची प्रमुख उपस्थिती असणार आहे. महायुतीविरोधात महाविकास आघाडी करणार जोरदार प्रचार आहे.
advertisement

काँग्रेस पक्षाकडून पहिली वीस जणांची यादी जाहीर

तर सोलापूरमध्ये काँग्रेस पक्षाकडून पहिली वीस जणांची यादी करण्यात जाहीर करण्यात आली आहे . नगरपालिका व नगरपंचायत निवडणुकीत काँग्रेस पक्षाला चांगले यश मिळाल्यानंतर आता महानगरपालिका निवडणुकांसाठी काँग्रेस जय्यत तयारीनिशी उतरत आहे. आज सोलापूर महानगरपालिकेसाठी 20 उमेदवारांची पहिली यादी पक्षाध्यक्ष हर्षवर्धन सपकाळ यांच्या आदेशाने जाहीर करण्यात आली आहे.
advertisement

निवडणुकीसाठी कार्यकर्त्यांचा उत्साह दांडगा

महानगरपालिका निवडणुकीसाठी कार्यकर्त्यांचा उत्साह दांडगा असून उमेदवारीसाठी मोठ्या संख्येने इच्छुकांनी मागणी केली आहे. दोन दिवसापूर्वी मुंबईत राज्य निवड मंडळाच्या बैठकीत उमेदवार निश्चित करण्यात आले होते त्यानुसार सोलापूरसाठी ही पहिली यादी जाहीर करण्यात आली आहे, अशी माहिती प्रदेश काँग्रेसच्या कार्यालयाने दिली आहे. बदलत्या सत्तासमीकरणांमुळे यंदाच्या निवडणुकीकडे सर्वांचे लक्ष लागले आहे
advertisement

हे ही वाचा :

view comments
मराठी बातम्या/महाराष्ट्र/
सोलापूरमध्ये मविआचं ठरलं, सर्वाधिक जागा काँग्रेसला तर मनसेला भोपळा; वाचा कोणत्या पक्षाला किती?
Next Article
advertisement
जीवन सुगमता वाढवण्यासाठी सरकारची सुधारणा मोहीम सुरूच, सुधारणा म्हणजे लोकांचे ओझे कमी करणे : पंतप्रधान मोदी
जीवन सुगमता वाढवण्यासाठी सरकारची सुधारणा मोहीम सुरूच : पंतप्रधान मोदी
  • पंतप्रधान मोदींनी केंद्र सरकार सामान्य नागरिकांचे जीवन सोपे करण्यासाठी कटिबद्ध असल्याचे सांगितले.

  • कर कायदे, श्रम संहिता, जीएसटी सुधारणा आणि उद्योगांसाठी नियम सुलभ करून प्रक्रिया सुलभ झाली.

  • मध्यमवर्गीयांना कर सवलत, एमएसएमईना कर्ज व सवलती, ग्रामीण रोजगारात टिकाऊ मालमत्ता निर्माण होत आहे.

View All
advertisement