BJP Shiv Sena : महायुतीमध्ये पळवापळवीने तणाव! भाजप पदाधिकार्‍यांना शिंदे गटाकडून ऑफर, मुख्यमंत्र्यांकडे तक्रार

मुंबई : राज्यात आता स्थानिक स्वराज्य संस्था निवडणुकीची तयारी सुरू झाली आहे. येत्या काही महिन्यातच स्थानिक स्वराज्य संस्थांच्या निवडणुका होणार आहे. सगळ्याच राजकीय पक्षांनी तयारी सुरू केली आहे. तर, सत्ताधारी पक्षांकडून इनकमिंग जोरात सुरू आहे. मात्र, आता याच इनकमिंगवरून महायुतीमध्ये तणावाचे वातावरण निर्माण झाले आहे. महायुतीमधील पक्षांकडून एकमेकांवर कुरघोडी सुरू असल्याचे चित्र आहे. भाजप आणि शिवसेना शिंदे गटात वादाची ठिणगी पडली आहे. भाजपच्या पदाधिकाऱ्यांना शिंदे गटाकडून ऑफर देण्यात येत आहे. त्यामुळे संतप्त झालेल्या भाजपच्या पदाधिकाऱ्यांनी मुख्यमंत्र्‍यांकडे तक्रार केली आहे.