मक्याला 2400 रुपयांची हमी, प्रत्यक्षात 1200 रुपयांनी खरेदी; हमीभावाचे वाजले बारा, शेतकऱ्यांची होतेय लूट..!  

छत्रपती संभाजीनगर: जिल्ह्यात राज्य सरकारने मक्याला प्रतिक्विंटल 2400 रुपये, तर सोयाबीनला प्रतिक्विंटल 5 हजार 328 रुपयांचा हमीभाव जाहीर केलेला आहे. मात्र छत्रपती संभाजीनगर धान्य बाजारात प्रत्यक्षात शेतकऱ्यांकडून मका हमीभावाच्या निम्म्या दरात म्हणजे 1200 ते 1300 रुपये क्विंटलने खरेदी केला जात आहे. तर, सोयाबीनही एक हजार रुपयांनी कमी दरात व्यापारी घेत आहेत. त्यामुळे शेतकऱ्यांकडून रोष व्यक्त करत असून मका हमीभावाने घ्यायला हवी आणि आता औषधांवरील जीएसटी कपात करून योग्य दरात मिळायला हवी अशी मागणी मका उत्पादक शेतकरी बाबासाहेब वाघ यांनी 'लोकल 18' सोबत बोलताना केली.