मनोज जरांगेंच्या हत्येचा कट, घडामोडींना वेग; सुरेश धस बीडहून थेट अंतरवालीत

जालना :  मराठा आंदोलक मनोज जरांगेंच्या हत्येची सुपारी दिल्याच्या बातमीनं महाराष्ट्रात एकच खळबळ उडाली. आता ती कोणी दिली याचा खुलासा जरांगेंनी केलाय. माजी मंत्री धनंजय मुंडेंवर त्यांनी हा गंभीर आरोप केलाय. त्याला धनंजय मुंडेंनीही उत्तर देत दोघांचीही नार्को टेस्ट करा आणि प्रकरणाची सीबीआय चौकशी करा असं खुलं आव्हान दिलंय. त्यामुळे आरोप प्रत्यारोपांची अक्षरश राळ उठलीय. दरम्यान अंतरवालीत मोठ्या घडामोडी होत असून भाजप आमदार सुरेश धस जरांगे पाटलांच्या भेटीसाठी अंतरवालीमध्ये दाखल झाले आहे.