आडनाव वाघ असून सरकारच्या शेळ्या राखतेस? नादाला लागली तर तुझं गबाळ उचकेन, जरांगेंचा चित्रा वाघ यांना इशारा

मुंबई : मराठा आरक्षण आंदोलनाचे नेते मनोज जरांगे पाटील यांनी मुख्यमंत्री फडणवीस यांच्या आईबद्दल अपशब्द वापरल्याचा दावा करीत भाजप आमदार चित्रा वाघ यांनी टीका केली होती. त्यांच्या टीकेला जरांगे पाटील यांनी जोरदार प्रत्युत्तर दिले. पोलिसांच्या लाठीचार्जमध्ये आमच्या आई बहिणी रक्ताच्या थारोळ्यात पडल्या होत्या, आमच्या आई बहि‍णींच्या पायाला अजूनही जखमा आहेत, त्यावेळी तू कुठे गेली होतीस? आडनाव वाघ असून सरकारच्या शेळ्या का राखतेस? असा सवाल करीत माझ्या नादाला लागतीस तर तुझं गबाळ उचकेन (प्रकरणे बाहेर काढेन) असा इशाराच जरांगे यांनी चित्रा वाघ यांना दिला.