Pitru Paksha 2025: गेले कावळे कुणीकडे? पितृ पक्षात सगळेच हैराण

छत्रपती संभाजीनगर: यंदा मुसळधार पावसामुळे शेतीचं आणि मालमत्तेचं मोठ्या प्रमाणात नुकसान झालं आहे. अतिवृष्टीचा फटका फक्त माणसालाच नाही तर पक्ष्यांना देखील बसला आहे. अनेक पक्ष्यांची घरटी वाहून गेली, अंडी फुटली आणि पिलं दगावली आहेत. त्यामुळे कावळे आणि इतर पक्षी गाव सोडून दुसरीकडे गेले आहेत. याचाच परिणाम म्हणून पितृपक्षाच्या विधीत पिंडाला कावळा शिवत नाही. श्रद्धाळू कित्येक तास कावळा येण्याची वाट पाहतात, पण कावळा येतच नाही. छत्रपती संभाजीनगरमधील पक्षी अभ्यासक कुणाल विभांडिक यांनी लोकल 18शी बोलताना याबाबत सविस्तर माहिती दिली.