गुटखा कंपनीच्या मालकांवर आणि सूत्रधारांवर मकोका लागणार? मंत्री नरहरी झिरवाळ यांचे कडक निर्देश
- Published by:Akshay Adhav
Last Updated:
Narhari Zirwal: प्रतिबंधित अन्नपदार्थांचे उत्पादन व विक्री करणाऱ्यांवर कारवाई करण्यासंदर्भात अन्न व औषध प्रशासन मंत्री नरहरी झिरवाळ यांच्या अध्यक्षतेखाली मंत्रालयात बैठक संपन्न झाली.
मुंबई: गुटखाबंदी असतानाही परराज्यातून येणारा अवैध गुटखा व त्याचे शालेय विद्यार्थी व तरुण पिढीवर होणारे गंभीर दुष्परिणाम रोखण्यासाठी संबंधित गुटखा कंपनीच्या मालकांवर आणि या अवैध व्यवसायातील सूत्रधारांवरच ‘मोका’ कायद्यान्वये कारवाई करण्याबाबत गांभीर्याने विचार करावा, असे निर्देश मंत्री नरहरी झिरवाळ यांनी दिले.
गुटखा, पानमसाला, सुगंधीत तंबाखू व सुपारी, खर्रा, मावा यासारख्या प्रतिबंधित अन्नपदार्थांचे उत्पादन व विक्री करणाऱ्यांवर कारवाई करण्यासंदर्भात अन्न व औषध प्रशासन मंत्री नरहरी झिरवाळ यांच्या अध्यक्षतेखाली आज मंत्रालयात बैठक आयोजित करण्यात आली होती.
मकोका अंतर्गत गुन्हा दाखल करता येईल का याबाबत विचार सुरू
राज्यात गुटखा आणि पान मसालाजन्य पदार्थाची वाहतूक आणि विक्री होत आहे. त्याला जबाबदार असलेल्या व्यक्तीविरुद्ध मकोका अंतर्गत गुन्हा दाखल करता येऊ शकेल का, याबाबत विधी व न्याय विभागाकडे प्रस्ताव पाठवून मार्गदर्शन घेतले जाणार आहे, अशी माहिती अन्न व औषध प्रशासन मंत्री नरहरी झिरवाळ यांनी दिली.
advertisement
गुटखाबंदीची राज्यात कडक अंमलबजावणी होणार
यापुढच्या काळात राज्यात गुटखाबंदीची राज्यात कडक अंमलबजावणी होईल. त्यासाठी या व्यापारातील सूत्रधारांना ‘मोका’ लावून त्यांच्यावर कारवाई करण्याबाबत विचार करण्यात येईल. गुटखाबंदी विरोधात जिल्हास्तरावर विविध विभागांच्या माध्यमातून जनजागृती करण्यात यावी, अशा सूचनाही त्यांनी दिल्या.
view commentsLocation :
Mumbai,Maharashtra
First Published :
November 18, 2025 8:34 PM IST
मराठी बातम्या/महाराष्ट्र/
गुटखा कंपनीच्या मालकांवर आणि सूत्रधारांवर मकोका लागणार? मंत्री नरहरी झिरवाळ यांचे कडक निर्देश
