संभाजी भिडेंनी तिरंग्याला डिवचण्याचा प्रयत्न करू नये; बच्चू कडू यांचा इशारा

अमरावतीत बच्चू कडू  यांच्याकडून सायकल तिरंगा सन्मान रॅली काढण्यात येणार आहे. अमरावती शहर ते यावली शहीद यांच्या घरापर्यंत सायकल तिरंगा सन्मान रॅली काढणार आहेत. संभाजी भिडे यांनी राष्ट्रीय ध्वज तिरंगाचा अवमान करू नये. त्यामुळे असंख्य हिंदूवर संशयाची सुई निर्माण होईल असंही आमदार बच्चू कडू यांनी सांगितले.

शिवप्रतिष्ठानचे संभाजी भिडे यांच्या कार्यकर्त्यांकडून तिरंगा ध्वजासोबतच भगवा ध्वज फडकवू असं कार्यकर्त्यांना आवाहन केले आहे. यामुळे अमरावती शहरात बच्चू कडू व संभाजी भिडे यांच्या कार्यकर्त्यांमध्ये वाद होण्याची शक्यता नाकारता येत नाही. शिवप्रतिष्ठानचे अध्यक्ष संभाजी भिडे हे अमरावती येथे आले असता त्यांनी महात्मा गांधी यांच्या विषयी वादग्रस्त वक्तव्य केल्याने त्यांच्यावर अमरावतीच्या राजापेठ पोलीस ठाण्यात गुन्हा देखील दाखल करण्यात आलेला आहे. संभाजी भिडे चे कार्यकर्ते मात्र भगवा ध्वज घेऊन रॅली काढू असं म्हटल्याने या वादात आणखी ठिणगी पडण्याची शक्यता नाकारता येते.