Morning Digest : 15 जुलैपासून संकटांची मालिका, 12 जिल्ह्यांना मुसळधार पावसाचा अलर्ट तर राज्यात आंदोलनामुळे ट्रॅफिक जाम

12 राशींपैकी कोणत्या राशींना आज खुशखबर मिळणार? मिथुन, मेष, धनु, कन्या राशींसाठी आजचा दिवस संकटांचा असेल की आनंद घेऊन येईल, तुमचा दिवस आजचा कसा जाईल हे ज्योतिषतज्ज्ञ चिराग दारुवाला यांनी सांगितलं आहे.

ज्योतिषशास्त्रानुसार, येत्या काही दिवसांत चंद्र, राहू आणि शनि यांच्यातील ग्रह संयोगामुळे दोन मोठे अशुभ योग तयार होणार आहेत. ग्रहण योग आणि विष योग. यामुळे पाच राशींना विशेष प्रभाव जाणवणार असून, अनेक समस्यांना तोंड द्यावे लागू शकते.

राज्यातील हवामानात पुन्हा मोठे बदल जाणवत आहेत. गेल्या काही काळात कोकणसह विदर्भात मान्सूनने जोरदार हजेरी लावली. तर मागील 3-4 दिवसांत कोकण किनारपट्टीवर पावसाचा जोर ओसरला होता. पुढील 24 तासांत राज्यातील 12 जिल्ह्यांत जोरदार पावसाची शक्यता असून हवामान विभागाने यलो अलर्ट दिला आहे.

Nifty50 Option Trades: निफ्टी50 ऑप्शन ट्रेड्समध्ये संशयास्पद हालचाली आढळल्यामुळे शेअर बाजारात खळबळ माजली आहे. एक्सपायरीच्या दिवशी स्ट्रॅडल ऑप्शन्सच्या किमतीत अचानक झालेल्या उसळीमुळे SEBIने चौकशी सुरू केली आहे.

कोल्हापुरातील गडहिंग्लज शहरात शक्तिपीठ महामार्गाच्या समर्थनार्थ शेतकरी आता रस्त्यावर उतरून ताकद दाखवणार आहेत. एका बाजूला तीव्र विरोध असताना समर्थक शेतकरी आज भव्य पदयात्रा काढणार आहेत.आमदार शिवाजीराव पाटील यांच्या नेतृत्वाखाली ही पदयात्रा होणार. हातात सातबारा उतारे घेऊन शेतकरी आणि नागरिक शक्तीपीठ महामार्गाच्या समर्थनासाठी पदयात्रेत सहभागी होणार. त्याचा परिणाम वाहतुकीवर होण्याची शक्यता आहे.

नांदेड समृद्धी बाधित शेतकरी आज तळ्यात जलसमाधी आंदोलन करणार आहेत. शेकडो शेतकरी यावेळी उपस्थित राहणार असून पोलिसांचाही मोठा बंदोबस्त असणार आहे.