Local Ticket: फुकट्या लोकल प्रवाशांची होणार पंचाईत! क्यूआर कोड तिकीटविक्री बाबत रेल्वेचा मोठा निर्णय

मुंबई: मुंबई आणि उपनगरांमध्ये लोकलने प्रवास करणाऱ्यांसाठी एक महत्त्वाची बातमी समोर आली आहे. गुरुवारपासून (4 सप्टेंबर) क्यूआर कोडवरून तिकीटविक्री कायमस्वरूपी बंद करण्याचा निर्णय मध्य रेल्वेने घेतला आहे. रेल्वे स्टेशन किंवा लोकलमध्ये तिकीट तपासनीस दिसताच सर्रास क्यूआर कोड स्कॅन करून तिकीट काढण्याचे प्रकार वाढीस लागल्याने हा निर्णय घेण्यात आला. त्यामुळे आता प्रवाशांना रांगेत उभं राहून तिकीट घ्यावं लागणार आहे. क्यूआर कोडची सुविधा बंद करण्यात आली असली तरी यूटीएस अ‍ॅपचा पर्याय मात्र सुरू ठेवण्यात आला आहे.