Vande Bharat Express: मुंबई-मडगाव वंदे भारत झाली 16 डब्यांची, कसं असेल गणेशोत्सवातील वेळापत्रक?

मुंबई: 27 ऑगस्टपासून सुरू होणाऱ्या गणेशोत्सवाच्या पार्श्वभूमीवर कोकणात जाणाऱ्या रेल्वे गाड्यांमध्ये प्रचंड गर्दी होणार आहे. ही बाब लक्षात घेऊन, मुंबई ते मडगाव दरम्यान धावणाऱ्या वंदे भारत एक्सप्रेसच्या डब्यांची संख्या दुपटीने वाढवण्यात आली आहे. आतापर्यंत ही गाडी आठ डब्यांसह धावत होती. मात्र, गणेश चतुर्थीच्या निमित्ताने कोकणात जाणाऱ्या प्रवाशांची संख्या मोठ्या प्रमाणात वाढत असल्याने ही गाडी आता 16 डब्यांसह धावणार आहे.