Metro 2B: मुंबईतील पाचवी मेट्रो मार्गिका होणार सुरू! कुठून ते कुठपर्यंत धावणार?

मुंबई: मुंबईमध्ये मेट्रोचा अतिशय वेगाने विकास करण्याचं काम सुरू आहे. ठिकठिकाणी मेट्रो मार्गिकांची कामं सुरू आहेत. मुंबई महानगर प्रदेश विकास प्राधिकरणाच्यावतीन (एमएमआरडीए) अंधेरी पश्चिम ते मंडाले मेट्रो2 ब या मार्गिकेचं काम सुरू आहे. या मार्गिकेतील डायमंड गार्डन ते मंडाले हा पहिला टप्पा लवकरच सेवेत येण्याची शक्यता आहे. त्यासाठी सुरक्षा प्रमाणपत्र घेण्याची प्रक्रिया अंतिम टप्प्यात आली असल्याची माहिती समोर आली आहे. येत्या काही दिवसांत सुरक्षा प्रमाणपत्र मिळाल्यास ऑक्टोबरच्या दुसऱ्या किंवा तिसऱ्या आठवड्यात ही मार्गिका प्रवाशांसाठी सुरू होण्याची शक्यता आहे.