Mumbai Metro: मेट्रोसाठी राज्य सरकारची तिजोरी पुन्हा उघडली! मुंबई-ठाण्याला दिले 462 कोटी

मुंबई: महानगरी मुंबई आणि उपनगरांमध्ये मोठ्या प्रमाणात वाहतूक कोंडी होते. शहराच्या वाढत्या प्रवासीसंख्येचा भार एकट्या लोकलला सहन होत नसल्याचं चित्र आहे. प्रत्येक लोकलमध्ये खचाखच गर्दी भरलेली असते. याला पर्याय म्हणून सध्या मेट्रोच्या विस्ताराला प्राधान्य दिलं जात आहे. त्यासाठी राज्यसरकार मुक्तहस्ताने निधी देखील मंजूर करत आहे. मुंबई महानगर प्रदेशातील (एमएमआर) मेट्रो प्रकल्पांना चालना देण्यासाठी 462 कोटी रुपयांचा निधी देण्याचा निर्णय नुकताच राज्य सरकारने घेतला आहे.