आधी खून केला, मग लंगडत लंगडत गेला, नागपुरला हादरवणारी घटना!

गुरुवारी रात्री साडेनऊ ते दहाच्या सुमारास गोधनी परिसरातील प्रकाशनगरमध्ये चार हल्लेखोर दुचाकीने आले. त्यांनी घटनास्थळी येताच एका तरुणाबद्दल चौकशी करत शिवीगाळ सुरू केली. यावेळी आरोपींना सोहेल खान दिसताच आरोपींनी त्याच्यावर हल्ला केला. त्यात त्याचा जागीच मृत्यू झाला. तर एक जण जखमी झाल्याची माहिती आहे. या घटनेनंतर परिसरात तणाव निर्माण झाला होता. त्या पार्श्वभूमीवर पोलिसांचा बंदोबस्त तैनात करण्यात आला आहे. प्रकाशनगर येथील गोविंद लॉनजवळ रात्री साडेनऊ ते दहा वाजताच्या दरम्यान ही घटना घडली.