नागपुरात हत्येचा थरार! वाद मिटवायला आले अन् मर्डर टाकला, इंजिनिअरींच्या विद्यार्थ्याचा भयावह शेवट

नागपूर: नागपूर पारडी परिसरात एक धक्कादायक घटना उघडकीस आली आहे. इथं एका इंजिनिअरींगच्या विद्यार्थ्याची निर्घृण हत्या करण्यात आली आहे. हत्या करणारे आरोपी देखील त्याच कॉलेजचे असून त्यांच्यात सीनियर आणि ज्युनिअरवरून वाद सुरू होता. याच वादातून ही हत्या झाल्याची माहिती समोर आली आहे. शुक्रवारी रात्री उशिरा ही हत्या करण्यात आली. या प्रकरणी पोलिसांनी चार आरोपी विद्यार्थ्यांना अटक केली आहे. यातील एक आरोपी अल्पवयीन असल्याची माहिती आहे. चारही आरोपींना पोलिसांनी अटक केली असून त्यांची कसून चौकशी केली जात आहे.