पत्नीने थंड जेवण दिल्याने भडकला पती; पंख्याला ओढणी बांधून धक्कादायक कृत्य, तितक्यात पोलीस आले अन्...

नागपूर, उदय तिमांडे : पत्नीने थंड जेवण दिल्याने संतापलेल्या नवऱ्याने आधी बायको आणि मुलाला मारहाण करुन घराच्या बाहेर काढलं. यानंतर स्वतः घरात पंख्याला लटकून फाशी घेत घेण्याचा प्रयत्न करत असतानाच पोलिसांनी येऊन त्याला वाचवलं. अगदी एखाद्या चित्रपटासारखी वाटणारी ही घटना नागपूरच्या पाचपावली पोलीस स्टेशनच्या हद्दीत घडली आहे. एरवी खाकी वर्दीतील पोलीस हे पाषाण हृदयी असतात अशी भावना झाली असताना या घटनेनं पोलिसांच्या खाकी मागे असलेली संवेदनशीलता समोर आली आहे.