नांदेड-वाघाळा महापालिकेचे महापौर-उपमहापौर ठरले, कुणाला लॉटरी? अशोक चव्हाणांनी करून दाखवलं!

मुजीब शेख, प्रतिनिधी नांदेड : नांदेड महानगर पालिकेच्या महापौर आणि उपमहापौर पदासाठी आज उमेदवारी अर्ज दाखल करण्याचा शेवटचा दिवस होता. नांदेड महानगरपालिकेवर भाजपाची एक हाती सत्ता आली आहे. ८१ जागांपैकी ४५ जागांवर भाजपचे नगरसेवक निवडून आले आहेत. तसेच शिवसेनेच्या चार नगरसेवकांनी भाजपला बिनशर्त पाठिंबा दिला आहे. त्यामुळे नांदेड महानगरपालिकेवर भाजपाचाच महापौर आणि उपमहापौर होणार हे निश्चित आहे. महापौरपदासाठी भाजपाकडून कविता मुळे आणि उपमहापौर पदासाठी दीपक रावत यांनी अर्ज दाखल केले.