कपड्यासाठी पैसे दिले नाही, पोरानं रागात आयुष्य संपवलं, हतबल बापानेही उचललं टोकाचं पाऊल

मुजीब शेख, प्रतिनिधी नांदेड: नांदेड जिल्ह्यातील बिलोली तालुक्यात मन हेलावणारी घटना घडली आहे. येथे एका शेतकरी कुटुंबातील बापलेकाने आपल्या आयुष्याचा दुर्दैवी अंत केला आहे. कर्जबाजारी असलेल्या वडिलांनी आपली हौस पूर्ण केली नाही, म्हणून मुलानं गळफास घेऊन जीवन संपवलं. तर मुलाचा अशाप्रकारे झालेला मृत्यू आणि मुलाची इच्छा पूर्ण करून न शकल्याच्या दु:खातून शेतकरी बापाने देखील आपलं जीवन संपवलं आहे. ज्या दोरखंडाने मुलानं गळफास घेतला होता, त्याच दोरखंडाने बापाने देखील आयुष्य संपवलं आहे. अशा प्रकारे बापलेकानं आत्महत्या केल्यानं परिसरात हळहळ व्यक्त केली जात आहे.