Nanded : जिगरी दोस्त गटांगळ्या खात होता, चौघे वाचवायला धावले अन् अनर्थ झाला

मुजीब शेख, नांदेड : नांदेड शहरापासून जवळच असलेल्या झरी परिसरातील खदानीत पोहण्यास गेलेल्या चार जणांचा बुडून मृत्यू झाला. तर एक जण बचावला आहे. मंगळवारी दुपारी ही दुर्दैवी घटना घडली. मृत्यू झालेले सर्वजण बारावीचे विद्यार्थी आहेत. खदानीत साठलेल्या पाण्यात पोहण्यासाठी अनेकजण येतात. विद्यार्थीसुद्धा पोहायला आले असताना ही घटना घडलीय. मयतांमध्ये शेख फुज्जाइल, काजी मुजम्मिल, आफान आणि सय्यद सिद्दिकी याचा समावेश आहे. तर मोहम्मद फैजान हा बचावला आहे.