Maratha Reservation : नांदेडमध्ये अशोक चव्हाणांना मराठा समाजाचा घेराव; आरक्षणावरुन विचारला जाब

आरक्षणासाठी सुरू असलेलं मराठा समाजाचं आंदोलन आता राज्यभर पसरत आहे. या आंदोलकांच्या रोषाचा सामना आज माजी मुख्यमंत्री अशोक चव्हाण यांना देखील करावा लागला. नांदेड जिल्ह्यातील धर्माबाद येथे आज काँगेसच्या कार्यक्रमासाठी माजी मंत्री अशोक चव्हाण गेले होते. काँगेस पदाधिऱ्यांनीची बैठक सुरू असताना बाहेर सकल मराठा समाजाकडून घोषणा बाजी सुरू होती. बैठक संपल्यानंतर अशोक चव्हाण जमावापुढे गेले. तेव्हा मोठा जमाव जमला होता. अशोक चव्हाण त्या जमावाला सामोरे गेले. त्याचवेळी त्यांना सकल मराठा समाजाकडून घेराव घालण्यात आला. मराठा आरक्षणासाठी राज्यभर अंदोलन सुरू आहे, मग तुम्ही असे कार्यक्रम का घेता? असा जाब एका युवकाने विचारला. त्याच सोबत तुमचा निषेध करतो, असं तो तरुण बोलला. त्याला उतर देताना तुझा पण निषेध, असं अशोक चव्हाण म्हणाले. हा व्हिडीओ सद्या सोशल मीडियावर खूप व्हायरल झाला आहे. पण अशोक चव्हाण यांनी धर्माबाद येथील काँगेसचा कार्यक्रम अर्धंवट सोडला नाही. हा प्रकार नंतर झाला असा दावा केला आहे.

मराठा समाजाला आरक्षण देण्याची मागणी घेऊन अंतरवाली सराटीमध्ये मराठा नेते मनोज जरांगे यांनी उपोषणाला सुरुवात केली आहे. सुरुवातीला कुणबी नोंद असणाऱ्या मराठ्यांना ओबीसीमध्ये समावेश करण्याची मागणी असलेल्या जरांगे यांनी नंतर सरसकट मराठ्यांना कुणबी प्रमाणपत्र देऊन ओबीसीमधून आरक्षण देण्याची मागणी केली आणि वेगळ्या वादाला सुरुवात झाली.