Nanded : उद्धव ठाकरेंच्या स्वागताला जेसीबीसाठी पोलिसांनी परवानगी नाकारली, 21 जेसीबी स्वागताविना परतले

उद्धव ठाकरे आज नांदेड विमानतळावर येणार आहेत. येथून ते हिंगोली येथील जाहीर सभेसाठी जाणार आहेत. उद्धव ठाकरे नांदेडला येणार असल्याने शिवसैनिकांनी त्यांच्या जंगी स्वागताची तयारी केली होती. 21 जेसीबीद्वारे विमानतळाबाहेर त्यांचे स्वागत करण्यात येणार होते. स्वागतासाठी जेसीबीही आणण्यात आले होते. पण विमानतळाबाहेर जेसीबीद्वारे स्वागत करण्यास पोलिसांनी परवानगी दिली नाही. त्यामुळे आणलेले जेसीबी परत पाठवण्यात आले.

दरम्यान, आज मुख्यमंत्री एकनाथ शिंदे देखील नांदेड विमानतळावर येणार आहेत. त्याच दडपणातून परवानगी नाकारल्याचा आरोप शिवसेनेने केला. मुख्यमंत्री एकनाथ शिंदे परभणी इथं जाण्यासाठी नांदेड विमानतळावर उतरणार आहेत. नांदेडमधून ते हेलिकॉप्टरने परभणीला जातील. परभणीतील कार्यक्रम आटोपून दुपारी ते पुन्हा नांदेड विमानतळावर येतील आणि तिथून मुंबईत येणार आहेत.